22:37 me miyvars... | |
მე მიყვარს, როცა ოცნება იღუპება, ოცნება ნაშობი ფიქრების კრებით, მე მიყვარს, როცა ცრემლებით ილუმპება უაზრო ბინდბუნდში მძინარე გზები. მე მიყვარს, როდესაც კვდებიან ჰაშიშით, ჰაშიშის კვამლში რომ ხითხითებს გრძნობა, მე მიყვარს იმედი, ოღონდაც საშიში, იმედი გადაყვა სიკვდილის შობას. მე მიყვარს, როდესაც რევოლვერს ვაკვნესებ, როდესაც მუსიკას ენდობა ტყვია, მე მიყვარს, როდესაც ცარიელ აკვნებზე უფერო ყვავილებს ღიმილით ყრიან. მე მიყვარს, როდესაც მოთქვამენ კაცები და მათ გრძნობებზე იცინის ქალი, მე მიყვარს ლოგინი, ბორგვებით ნაცემი, ზეწარზე აჩნია ღამეთა კვალი. მე მიყვარს თვალები, თუმც ღამენათევი, დაღლილი გუგებით სინათლეს ჭამენ. მე მიყვარს ღრიალი, ვნებები ნათრევი, ვნებები ყვებიან უგონო რამეს. მე მიყვარს, როდესაც ტკივილით თვრებიან, როდესაც ულმობლად იმეფებს ჯავრი. მე მიყვარს, რა გიყოთ, უაზრო გზებია, სიცოცხლეს დაეძებს უაზრო მგზავრი. | |
|
| |
| სულ კომენტარები: 0 | |